愚公移山(上)

倾计，我同佢讲野唔驶转弯抹角，一开波就入正题：

    「你呢排究竟Ga0咩呀？成个人变哂咁嘅，分手真系咁hurt咩？」

    「你觉得我真系会为咗阿欣而改变？」阿功笑住咁答。

    「就系觉得唔会先奇怪罗。」

    「其实唔关阿欣事，我哋去旅行之前已经相处得唔好，分手系迟早嘅事。」

    「咁究竟发生咩事？」

    突然间，阿功个表情变得好严肃，好似《无间道》入面刘华喺天台啤住伟仔嗰阵咁：「韩，你有冇谂过咩叫成功？」

    「咩料呀大佬？el转得咁快真系接你唔住喎??我哋之前成日都讲?啦，李嘉诚、朱克伯格嗰啲咪叫成功罗，但今时今日喺呢个社会做唔到?喎。」

    年轻人，总会思考将来，亦会憧憬成功。我同阿功细个嗰阵都有幻想过自己长大想做啲乜。

    但随住年纪渐长，作为香港呢一代年轻人，我不得不承认我变得越来越冇呢个胆量；将来，我谂都唔敢谂。

    「做唔到，就坐喺度等Si？」阿功用一种我从来冇见过嘅眼神望住我，向我提出呢个问题。

    然後，佢放低酒杯，慢慢讲出我最想知嘅答案：「半年前，我同阿欣去咗日本旅行，期间我哋帮衬咗一间拉面店，由於我哋好晏先去到，所以我哋差不多系最後一枱客人。」

    「我哋唔觉意带咗啲之前买嘅野食入埋拉面店度食，虽然语言不通，但从店员嘅表情我哋发觉到唔妥，为免老板会将我哋打成香港之耻再放上网，我哋即刻向对方示意道歉，尽量化解误会。期间我哋发现，店内其中一个店员